गिरिजाप्रसाद कोईराला मेमोरियल कलेजमा नयाँ भर्ना खुल्यो

११ कार्त्तिक, काठमाडौँ/कपनअनलाईन लोकतान्त्रिक आन्दोलनका अग्रणी व्यक्त्तित्व भूतपूर्व प्रधानमन्त्री गिरिजाप्रसाद कोईरालाको स्मृतिमा स्थापित चाबहिल (ओम अस्पताल पछाडि) मा रहेको गिरिजाप्रसाद मेमोरियल कलेजमा BBS र BA प्रथम वर्षमा नयाँ भर्ना खुलेको छ ।

यस वर्ष क्याम्पसले भुकम्प प्रभावित तथा शुल्क तिर्न नसक्ने बिद्यार्थीका लागि निशुल्क शिक्षा प्रदान गर्ने बताइएको छ । स्थापना कालको छोटो समयमा नै उत्कृष्ट बन्न सफल यस क्याम्पसमा दक्ष तथा अनुभवि प्राध्यापकहरूबाट अध्यापन हुनुका साथै बिद्यार्थी मैत्री विविध सुविधा रहेको क्याम्पस प्रमुख खिला सापकोटाले जानकारी गराए ।

भविष्यमा यसै क्याम्पसलाई गिरिजाप्रसाद कोईराला मेमोरियल सामुदायिक विश्वविद्यालय बनाउने लक्ष्य रहेको पनि सापकोटाले जानकारी दिए । आगामी बर्षहरूमा विभिन्न संकाय र विषयहरू थप गरी यस क्षेत्रकै नमूना क्याम्पस बनाउन लागिपरिरहेको पनि उनले जानकारी दिए ।