गजल : उज्ज्वल जी.सी.
कपन अनलाइन
काठमाडौं,असार २१ ।
ऑखाको तीरले कसरी ढालेछ मलाई
पीडाको झिल्कोले जिउ‘ंदै बालेछ मलाई ।
रहेछ कस्तो यो वैंसको मौसम हजुर
कसैको स्पर्शले दिनमै गालेछ मलाई ।
कहिले भेटिने हो स्नेहको मुहान अब
घृणाको हुरीले नालीमा फालेछ मलाई ।
भाग्यको शिखर चढ्दै के थिए‘ं अचेल
शनिको दशाले दुःखमा हालेछ मलाई ।
न थिए मनमा स्वार्थका काला लिप्साहरू
एकाएक मित्रले कुदृष्टि चालेछ मलाई ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
