बुढानिलकण्ठ -११ मा तेश्रो वडा अध्यक्ष कप फुटसल र बुद्दिचाल प्रतियोगिता सम्पन्न

कपन अनलाइन

काठमाण्डौ ,जेष्ठ २५।

बुढानिलकण्ठ नगरपालिका वडा नं ११ मा तेश्रो वडा अध्यक्ष कप फुटसल र बुद्दिचाल प्रतियोगिता सम्पन्न भएको छ।

बुढानिलकण्ठ नगरपालिकाका प्रमुख मिठाराम अधिकारीको प्रमुख आतिथ्यता र वडा नं ११ का अध्यक्ष राजु अधिकारीको अध्यक्षतामा भएको प्रतियोगिता समापनको अवसरमा बिजेता टोलि र खेलाडीहरुलाई पुरस्कार वितरण गरिएको थियो।

वडा नं ११ मा रहेको दीक्षालय नेपाल फाउन्डेसनमा भएको प्रतियोगिता समापनको अवसरमा वडा नं १० का अध्यक्ष नवराज भट्टराई, वडा नं. १२ का अध्यक्ष शम्भु भट्टराई लगायतका अतिथिहरुको उपस्थिति रहेको थियो ।

सो प्रतियोगितामा स्वास्थ्य सहयोग  कपन स्वास्थ्य चौकी र व्यवस्थापन  बुढानीलकण्ठ राइट्सको रहेको थियो भने शैक्षिक साझेदार न्यूटन एकेडेमी तथा खेलकुद साझेदार द स्केटल्याण्ड रहेका थिए।