गजल : अनिता भण्डारी (पौडेल)

कपन अनलाइन

काठमाण्डौ, बैशाख २७।

सम्मान गर्न सक्दिन नारीको श्रम नदेख्ने आँखालाई
भावना नबुझ्ने नसुन्ने हृदयबिहीन मनको भाकालाई

न बुझाउन सकिन्छ न सुनाउन सकिन्छ खै के भन्नु ?
सुनौलो घाम छेकेर ओसिलो बनाउने भिर पाखालाई

घाम तापेर शितल छायाँ दिने तागत छ नारीमा
बोल्दिनन् केही मौन छिन्, तर भुल्दिनन् बाँचालाई

हाँसिरहने उनको अनुहार पछाडी कति पिडा होला
एक्लै बसी रात काट्दा पनि किन गन्छिन तारालाई ?

चुल्होचौको, खेतपाती, बालबच्चा घरदेखि बाहिरसम्म
खुशी बनाउनु पर्छ उनैले परिवार, ईष्टमित्र सारालाई ।

सहकार्य : कपन बानेश्वर साहित्यिक साप्ताहिक