गोकर्णेश्वर नगरस्तरीय राष्ट्रपति रनिङ शिल्डमा ईष्टपोल मावि प्रथम

कपन अनलाइन

काठमाण्डौ ,पुस २१।

गोकर्णेश्वर नगरस्तरीय राष्ट्रपति रनिङ शिल्ड खेलकुद प्रतियोगिताको उपाधी ईष्टपोल मा.बि. ले शनिबार जितेको छ ।
पौष १५ देखि २० गते सम्म भएको प्रतियोगितामा ९ स्वर्ण १४ रजत र १० कास्य पदक सहित ईष्टपोल मा.बि. प्रथम भएको हो । यसै गरी ९ स्वर्ण ६ रजत र ५ कास्य पदक जितेको मनकामना मा. बि.दोस्रो, ६ स्वर्ण ८ रजत २ कास्य पदक सहित चामुण्डा मा.बि. टिम तेस्रो भएको छ ।
कुल ६६ स्वर्णका लागि भएको प्रतिस्पर्धामा गोकर्णेश्वर नगरपालिका भित्रका ३४ बिधालयको सहभागिता रहेको थियो ।
पदक बिजेता खेलाडीलाई गोकर्णेश्वर नगरपालिकाका मेयर दिपक रिसाल, उपमेयर सान्नानी लामा, नगरपालिकाका कार्यकारी प्रमुख यामनारायण गौली, वडा न ९ का अध्यक्ष राजिव थापा लगायतले मेडल तथा प्रमाणपत्र बितरण गरेका थिए ।