रिलायन्स इन्टरनेसनल एकेडेमीलाई बुढानिलकण्ठको रास्ट्रपति शिल्ड
कपन अनलाइन
काठमाण्डौ ,पुस १७ ।
बुढानिलकण्ठ नगरपालिकामा भएको रास्ट्रपति रनिङ्ग शिल्ड प्रतियोगितामा वडा नं १० मा रहेको रिलायन्स इन्टरनेसनल एकेडेमीले प्रथम स्थान हाशिल गरेको छ।रिलायन्स इन्टरनेसनल एकेडेमी ११ स्वर्ण , ६ रजत र ६ काश्य पदक प्राप्त गर्दै प्रथम बनेको हो।
पुस १४ गते देखि १६ गते सम्म भएको सो प्रतियोगितामा वडा नं ३ मा रहेको बुढानिलकण्ठ मावि र वडा नं १२ मा रहेको बाल कुमारी माविले दितीय स्थान हाशिल गरेका छन।
नगरपालिकाको वडा नं ८ को गोल्फुटार मैदान र वडा नं १० को कपन ह्यान्डबल मैदानमा हुने पाँचौ रास्ट्रपति रनिङ्ग शिल्ड प्रतियोगितामा ४५ विद्यालयका १३९६ जना खेलाडीहरुले भाग लिएका थिए।
उक्त प्रतियोगिताको समापनमा नगरपालिकामा बसोवास गर्ने रास्ट्रीय तथा अन्त रास्ट्रीय खेलाडीहरुलाई सम्मान गर्नुका साथै विजेता विद्यालयलाई नगद पुरस्कार समेत वितरण गरिएको थियो
