नेपाल चार्टर आधारभूत विद्यालयको खेलकुद उत्सव-२०८१ शुरु

कपन अनलाइन

काठमाण्डौ ,पुस १७।

बुढानिलकण्ठ नगरपालिका वडा नं १० मा रहेको नेपाल चार्टर आधारभूत विद्यालयको खेलकुद उत्सव-२०८१ शुरु भएको छ। बुढानिलकण्ठ नगरपालिका वडा नं १० मा रहेको श्रेष्ठ फुटसलमा पुस १९ गते सम्म चल्ने सो उत्सवको वडा अध्यक्ष तथा नगर प्रवक्ता नवराज भट्टराईले उदघाटन गरेका थिए।

वडा नं १० का सदस्य तथा विद्यालय व्यवस्थापन समितीका अध्यक्ष चन्द्रमान श्रेष्ठको अध्यक्षतामा भएको उदघाटन कार्यक्रममा शिक्षा महाशाखा प्रमुख ललित विक्रम सिंह , व्यवस्थापन समितीका सदस्यहरु उद्धव पौडेल ,सगुन भण्डारी  बोधराज  पोखरेल , बिनिता अधिकारी र अस्मिता तामाङ्ग,शिक्षक अभिभावक संघ  अध्यक्ष दुर्गा सुवेदी लगायतको उपस्थिति रहेको थियो।

उक्त खेलकुद उत्सव मा खेलहरु अन्तर सदन छात्रा र छात्रहरुको ४/४ टिमको फुट्सल , छोटो तथा लामो दौड सिनियर र जुनियर अन्तर सदन सम्पन्न , चम्चा दौड आदी खेलहरु हुने विद्यालयका प्रधानाध्यापक बलराम फुँयालले जानकारी दिएका छन।