बुढानिलकण्ठ नगरपालिकामा पाँचौ रास्ट्रपति रनिङ्ग शिल्ड प्रतियोगिता शुरु

कपन अनलाइन
काठमाडौं, पुस १४।

बुढानिलकण्ठ नगरपालिकामा पाँचौ रास्ट्रपति रनिङ्ग शिल्ड प्रतियोगिता शुरु भएको छ। वडा नं १० को कपन ह्यान्डबल मैदानमा प्रतियोगिताको उदघाटन कार्यक्रम आयोजना गरिएको थियो ।

पुस १४ देखि १६ गते सम्म चल्ने सो प्रतियोगितामा बुढानिलकण्ठ नगरपालिकाका ४५ विद्यालयका  १३९६ जना खेलाडीहरुले सहभागिता जनाएका छन।

बुढानिलकण्ठ नगरपालिकाका प्रमुख मिठाराम अधिकारीको प्रमुख आतिथ्यतामा भएको उदघाटन शत्रमा नेपाल स्काउट बुढानिलकण्ठ र विभिन्न विद्यालयहरुले मार्चपास गरेका थिए भने मार्सल आर्ट्स प्रदर्शनी समेत गरिएको थियो।

बुढानिलकण्ठ नगरपालिकाको सामाजिक विकास समितीकी संयोजक शान्ता ढकाल पुडासैनीको अध्यक्षता तथा शिक्षा ,युवा तथा खेलकुद महाशाखाका प्रमुख ललित विक्रम सिंहले स्वागत मन्तव्य राखेको सो उदघाटन कार्यक्रममा नगर उपप्रमुख अनिता लामा , प्रमुख प्रशासकीय अधिकृत तुलसी राम अर्याल, जिल्ला खेलकुद विकास समिती काठमाण्डौका अध्यक्ष भाइ कृष्ण बलामी, ह्यान्डबल अनुगमन समितिका अध्यक्ष रामकृष्ण केसी सहित वडा अध्यक्षहरु र सदस्यहरुको उपस्थिति रहेको थियो।

नगरपालिकाको   वडा नं ८ को गोल्फुटार मैदान र वडा नं १० को कपन ह्यान्डबल मैदानमा संचालन भैरहेको सो प्रतियोगिता उदघाटनका अवसरमा विभिन्न सांस्कृतिक प्रस्तुति समेत राखिएको थियो।