आदिम नेशनल कलेजमा उपत्यका ब्यापी हाजिरी जवाफ प्रतियोगिता सम्पन्न :काठमाण्डौ विद्यालय प्रथम

कपन अनलाइन
काठमाडौं, पुस १४।

आदिम नेशनल कलेज, चुच्चेपाटीको आयोजनामा दोस्रो उपत्यका व्यापी अन्तरविद्यालय हाजिरी जवाफ प्रतियोगिता सम्पन्न भएको छ। काठमाण्डौ महानगरपालिका वडा नं ७ मा रहेको सो कलेजले आयोजना गरेको उक्त प्रतियोगितामा बुढानिलकण्ठ नगरपालिका वडा नं १२ मा रहेको काठमाण्डौ विद्यालयले प्रथम स्थान हाशिल गरेको छ।

सो प्रतियोगितामा प्रथम हुँदै उक्त विद्यालयले नगद पुरस्कार २० हजार सहित  मेडल, ट्रफी सर्टिफिकेट प्राप्त गरेको छ। उक्त प्रतियोगितामा काठमाण्डौ विद्यालयका मौलिक सिटौला, समिक्षा भण्डारी र  सुस्मिता  कटवालले भाग लिएका थिए।

सो प्रतियोगितामा विद्या आर्जन इंगलिस स्कुल दितीय, हिमशिला मावि तृतीय र इन्द्रावती पब्लिक स्कुल चौथो स्थानमा रहेको क्याम्पस प्रमुख शंकर शर्माले जानकारी दिएका छन।