गीत : प्रीति कौर

कपन अनलाइन
काठमाडौं, पुस ६।
तिम्रो हृदय मेरो लागि वास भयो
तिमी नै मेरो मिठो आस भयो
तिम्रो हृदय मेरो लागि वास भयो ।

कयौँ सपना सजाउला सँगसँगै रमाउला
यसरी नै सधँै सधँै एकअर्कामै हराउँला
तिम्रो आगमनले जीवन पुर्णेको रात भयो
तिम्रो हृदय मेरो लागि वास भयो ।

यात्रामा कैयौँ उकाली ओराली भेटौला
गुलाफको आसमा काडा पनि टेकौला
भरोसा एउटै केवल तिम्रो साथ भयो
तिम्रो हृदय मेरो लागि वास भयो ।

सहकार्य : कपन बानेश्वर साहित्यिक साप्ताहिक