जुगल नवगुरुकुल द्वारा आयोजित U-14 Futsal Tournament को उपाधी बोधी सदनले जित्यो

बुढानिलकण्ठ नगरपालिका वडा नं १० मा रहेको  जुगल नवगुरुकुल द्वारा आयोजित १४ बर्ष भन्दा कम उमेर समुहको अन्तर बिद्यालय स्तरिय फुटसल प्रतियोगिताको उपाधि वडा नं १२ को  बोधी सदन स्कुलले जितेको छ ।
जुगल नव गुरुकुलमा निर्माण गरिएको फुटसलको औपचारिक उद्घाटनको अवसर पारेर आयोजना गरिएको सो प्रतियोगितमा  उपत्यका भित्रको २४ बिद्यालयहरु सहभागी भएका थिए।

भएको प्रतियोगिता मंसिर २४ गते देखी २६ गते सम्म भएको सो प्रतियोगितामा साङ्ग्रीला स्कुल दोश्रो, नाम्स स्कुल तेश्रो र कान्तिपुर स्कुलले चौथो स्थान हासिल गरेका थिए।

बिजेता बिध्यालयहरुलाइ पुरस्कार बितरण कार्यक्रममा जुगल नव गुरुकुलका अध्यक्ष डोर प्रसाद आचार्यको सभापतित्वमा आयोजित कार्यक्रममा प्रमुख अतिथी बुढानिलकण्ठ नगरपालिकाका नगर प्रमुख मिठाराम अधिकारीले ट्रफी मेडल सहित पुरस्कृत गरेका थिए।

समापन  कार्यक्रममा राष्ट्रिय फुटबल टिमका प्रशिक्षक नवीन न्यौपाने, राष्ट्रिय खेलकुद परिषदका सह महासचिव दामोदर भट्टराई (बद्री) लगायतका अतिथिहरु उपस्थित रहेका थिए।