नेपाल विद्यार्थी संघ असन्तुष्ट पक्षको माग पुरा नगरेको भन्दै आत्मदाहको प्रयास
कपन अनलाइन
काठमाण्डौ, चैत २।
नेपाल विद्यार्थी संघ केन्द्रिय अध्यक्ष दुजाङ्ग शेर्पा, नेपाली कांग्रेस केन्द्रीय सदस्य राजिव ढुङ्गाना र नेपाली कांग्रेस मुख्य सचिव कृष्ण प्रसाद पौडेल द्वारा २०८० भदौ ३ गते भएको सहमति कार्यान्वयन गर्न हिचकिचाएकोमा असन्तुष्ट पक्षका नेता रामजी बस्नेतले नेपाली कांग्रेस केन्द्रीय कार्यालय अगाडि आत्मदाहको प्रयास गरेका छन् ।
चैत १ गते १२:३० मा मुख्य सचिवलाई जानकारी गराउँदै बाहिर आएर आत्मदाहको प्रयास गरेका थिए। भदौ ३ मा उल्लेख भएको सहमति अनुसार ७ दिन भित्र छुटेका साथीहरुलाई समेटेर मात्र गतिविधि सञ्चालन गर्ने भनिएतापनि आज १:०० केन्द्रीय समितिको बैठक बोलाइएको थियो ।
उक्त आन्दोलनको गतिविधि निरन्तर रुपमा अगाडी बढाइने कुरा नेता प्रवेश ढुङ्गानाले जानकारी दिएका छन। करिब १५ जनाको समूह सहभागी भएका मध्ये एकले मात्र आत्मदाहको प्रयास गरेका थिए र अघिल्लो चरणमा अन्य साथीहरु पनि आत्मदाह गर्ने जानकारी दिएका छन। आत्मदाह प्रयास गर्ने बस्नेतको उपचार वयोधा अस्पतालमा भएको छ ।
