बुढानिलकण्ठ नगरपालिका वडा नं १२ को वडा कार्यालय भवन शिलान्यास
कपन अनलाइन
काठमाडौं, फागुन २९।
बुढानिलकण्ठ नगरपालिका वडा नं १२ को वडा कार्यालय भवन शिलान्यास गरिएको छ।
वडा नं १२ को खरिबोट नजिक वसु क्वानको भवन रहेको स्थानमा निर्माण हुने सुविधा सम्पन्न वडा कार्यालय भवन निर्माणको फागुन २८ गते शिलान्यास गरिएको हो।
बुढानिलकण्ठ नगरपालिकाका प्रमुख मिठाराम अधिकारी, वडा नम्बर १२ का वडाध्यक्ष शम्भु प्रसाद भट्टराई र प्रमुख प्रशासकीय अधिकृत तुल्सीराम अर्यालले संयुक्त रुपमा शिलान्यास गरेका हुन्।
दुई रोपनी १३ आना जग्गामा करिव ३ करोड ५० लाखको लगानीमा निर्माण हुने सो भवन निर्माण १८ महिना भित्र सक्ने लक्ष्य राखिएको वडा नं १२ का अध्यक्ष शम्भु प्रसाद भट्टराईले जानकारी दिएका छन।
भूमिगत पार्किङ्ग सहित साढे तिन तल्लाको सो भवन निर्माणको भुमि पुजन र शिलान्यास कार्यक्रममा विभिन्न वडाका अध्यक्षहरु सहित स्थानीयहरुको बाक्लो उपस्थिति रहेको थियो।
