समानता : विपीराज दाहाल (कविता)

ठूला शहरमा
गाडी छिर्न नसक्ने गल्ली हनु नै
आफ्नो सौभाग्य ठान्ने नाम्ले राज
मूल सडकमा देखिएको
मुर्दावाद–जिन्दावाद सहितको जुलुसलाई.
बेमौसमी बाजाको सँज्ञा दिँदै भन्छ––

अब त समानता आइसक्यो नि
मेरा साहु आधा पेट खान्छन्
भुँडी घटाउन
म आधा पेट खान्छु
भुँडीहरू जोगाउन ।

कारण नहेरन साथी हो––
साहुकी छोरी लाज पनि ढाक्न गार्हो पर्ने
च्यात्तिएको लुगा लगाउँछिन्
मेरी छोरी लाज ढाक्न त हो नि भनेर
च्यात्तिएकै भएपनि लुगा लगाउँछिन् ।
छैन र समानता?

सहकार्य : कपन बानेश्वर साहित्यिक साप्ताहिक