बुढानीलकण्ठ-९ को टिम रेभियन्सलाई फुटसलको उपाधि,जनप्रतिनिधिले पत्रकार हराए

कपन अनलाइन

काठमाण्डौ,फागुन ९।

बुढानीलकण्ठ नगरपालिका नगर युवा परिषद् द्वारा आयोजित तेस्रो बुढानीलकण्ठ मेयरकप 7‘A’ Side फुटसल प्रतियोगिताको उपाधी वडा नं ०९ को टिम रेभियन्सले जितेको छ ।

फागुन ०९ गते सञ्चालन भएको फाईनल खेलमा वडा १२ का नेपाल फुटसल क्लबलाई ४-० गोलले पराजित गर्दै टिम रेभियन्स विजयी बन्न सफल भएको हो ।

नगर प्रमुख मिठाराम अधिकारीले विजेता र उपविजेता समुहलाई मेडल प्रमाण पत्र र शिल्ड प्रदान गर्दै भविष्यका लागि शुभकामना दिनु भएको छ ।प्रतियोगिताको विजेता समुहलाई नगरद रु. ७० हजार र उपविजेतालाई नगद रु. ३५ हजार पुरस्कार दिईएको थियो ।

यस्तै प्रतियोगिताको उत्कृष्ठ गोलरक्षकको उपाधी टिम रेभियन्सका व्यापक खड्काले जितेका छन् भने उत्कृष्ठ खेलाडी टिम रेभियन्सकै दिविज खड्काले पाएका छन् । उनिहरुलाई ट्रफि र नगद रु. २५ सय रुपैयाँ प्रदान गरिएको छ ।यस प्रतियोगितामा नगरपालिकाका २२ वटा फुटसल समुह खेलेका थिए ।

त्यस्तै प्रतियोगिता समापनको अवसरमा भएको मैत्रीपूर्ण खेलमा बुढानिलकण्ठका जनप्रतिनिधि र संचारकर्मी विच भएको खेलमा ५-५ गोलको बराबरी भएपछि पेनाल्टी सुट आउटमा जनप्रतिनिधि विजयी भएका थिए।