चौथो SAAT फुटसलको उपाधि विनायक स्कुल र पिक पोइन्टलाई
कपन अनलाइन
काठमाण्डौ ,मङ्सिर २७।
विनायक स्कुल र पिक पोइन्टलाई एकेडेमीले चौथो SAAT फुटसल प्रतियोगिताको उपाधि जितेका छन। पुस २४ त् २५ गते स्काई फुटसलमा भएको प्रतियोगिताको सिनियर तर्फ विनायक स्कुल र जुनियर तर्फ पिक पोइन्ट एकेडेमीले उपाधि जितेका छन।
सो प्रतियोगिताको सिनियर तर्फ विद्या सदन स्कुल दितीय ,सेन्ट जर्ज इन्टरनेसनल स्कुल तृतीय र सम्तेन मेमोरियल स्कुलले चौथो स्थान प्राप्त गरेका थिए भने जुनियर तर्फ साम्तेन मेमोरियल दितीय ,ब्रेन ल्याण्ड एकेडेमी तृतीय र अमर दीप सेकेण्डरी स्कुलले चौथो स्थान हाशिल गरेका थिए।
उक्त प्रतियोगितामा सिनियर तर्फ पिक पोइन्ट पब्लिकका एलेक्स घिसिङ र विनायक स्कुलका जेशांग बोम्जन उच्च गोलकर्ता बनेका छन भने विद्या सदनका श्रवण घले उत्कृस्ट गोल रक्षक बनेका छन। त्यस्तै विनायक इंग्लिस स्कुलका सबिन राई सिनियर तर्फ उत्कृस्ट खेलाडी बनेका थिए।
सो प्रतियोगिताको जुनियर तर्फ पिक पोइन्ट पब्लिकका रोशन लामा उत्कृस्ट १३ गोल सहित गोलकर्ता तथा खेलाडी बनेका थिए भने अमरदीपका सुगम तामाङ उत्कृस्ट गोल रक्षक बन्न सफल भएका थिए।
SAAT का अध्यक्ष ई. बिनय श्रेष्ठको अध्यक्षता तथा नेपाली महिला रास्ट्रीय टिमकी कप्तान सावित्रा भण्डारीको प्रमुख आतिथ्यतामा पुरस्कार वितरण सहित प्रतियोगिताको समापन गरिएको संयोजक सुनिल ढुंगानाले जानकारी दिएका छन।
