कर्कलाको पानी : रमेशचन्द्र घिमिरे (बालकविता)

चाँदी जस्तै टलटल टल्किरहने के हो ?
यसो छुन पाएदेखि थाहा हुन्छ जे हो

बोटैपिच्छे चाँदी डल्ला कसले कहिले राख्यो ?
एक्लै राख्न भ्याएन पक्कै साथी कसलाई डाक्यो ?
टप्प टिपी ल्याउँछु अनि राख्छु कचौरामा
झ्याङ्कट् काँडा पन्छाएर जान्छु करेसामा

मैले यसो भनेको त आमा मान्नुहुन्न
हुन्न छोरी अहिले तिमी त्यहाँ जानुहुन्न
एक्लै गएँ टिप्न खोजेँ यता उता स¥यो
छिरलियो पानी बनी अनि भुइँमा झ¥यो

बाबा आई भन्नुभयो कुरा बुझ्यौ नानी ?
चाँदी नभई आखिर यो हो कर्कलाको पानी ।

सहकार्य : कपन बानेश्वर साहित्यीक साप्ताहिक