गोकर्णेश्वर महादेव मन्दिर परिसरमा नकआउट प्रोफेसनल मुवाथाई च्याम्पियनशीप २०२३ सम्पन्न

कपन अनलाइन

काठमाण्डौ ,असोज १५।

गोकर्णेश्वर महादेव मन्दिर परिसरमा नकआउट प्रोफेसनल मुवाथाई च्याम्पियनशीप २०२३ सम्पन्न भएको छ ।

गोकर्णेश्वर मुवाथाई नगर कमिटी द्वारा आयोजित उक्त प्रो फाईट चरणमा सबिन डिमडुङ र नवराज पराजुलीबिचको रोचक फाइट बुसिदो एमएमए मुवाथाई एशोसिससनका डिमडुङले जिते । शनिबार गोकर्णेश्वर महादेव मन्दिर परिसरमा भएको मुवाथाईका विभिन्न विधामा भएको प्रतिश्पर्धामा प्रो फाइट चरणमा कृतिम श्रेष्ठ, धर्मेन्द्र राम, प्रविण राई र अब्राहब राई विजयी भएका छन् ।

\त्यस्तै, सेमि प्रो फाइटमा सरोज तामाङ, पेम्बा छिरि तामाङ, निराजन श्रेष्ठले जित हासिल गरे । एमेचर फाइटमा अक्ष कुमार पन्त, सुजित गुरुङ, रविन रेग्मि, विश्व श्रेष्ठ विजयी भए । विजेता र उपविजेताहरुले बेल्ट, ट्रफी तथा नगद पुरस्कार प्राप्त गरेका थिए । कार्यक्रमको उद्घाटन संघीय सांसद तथा संसदीय अर्थ समितिका सभापति सन्तोष चालिसेले गरेका थिये भनें कार्यक्रमको अध्यक्षता गोकर्णेश्वर मुवाथाई नगर कमिटीका अध्यक्ष सानुकान्छा श्रेष्ठले गरेका थिए ।

कार्यक्रममा नगर उपप्रमुख सान्नानी लामा, गोनपा ४ का वडा अध्यक्ष जयराम महत, वडा सदस्यहरु गौरी श्रेष्ठ, राजेश श्रेष्ठ, कृष्ण श्रेष्ठ, सुनिता परियार, गोकर्णेश्वर नगरपालिका वडा नं. ९ का वडा अध्यक्ष राजिव थापा, नगरपालिकाका युवा तथा खेलकुद उपशाखा प्रमुख रामनारायण शाह, समाजसेवी व्यक्तित्वहरु, भिजन इन्टरनेशनलका राजकृष्ण श्रेष्ठ, समाजसेवी ज्ञानकुमार श्रेष्ठ, खेलकुदका समितिका पदाधिकारीहरु, वडा सचिव नवराज सेन लगायतका व्यक्तित्वहरुको आतिथ्यता रहेको थियो । कार्यक्रममा अतिथीहरु, रेफ्रि, जज, खेलमा सहयोग गर्ने व्यक्तित्व, स्वयंसेवकहरुलाई मायाको चिनो प्रदान गरिएको थियो ।