तारकेश्वर नगर प्याब्सन अन्तरविद्यालय बास्केटबलमा हिमरश्मी र एन्जल्स हार्ट सेमिफाइनलमा
कपन अनलाइन
काठमाडौं, जेठ ३० ।
हिमरश्मी र एन्जल्स हार्ट प्रथम तारकेश्वर नगर प्याब्सन अन्तरविद्यालय बास्केटबल प्रतियोगिताको जुनियर ब्वाइजमा सोमबार सेमिफाइनलमा प्रवेश गरेका छन् ।
तार्केश्वर नगर प्याब्सनद्वारा आयोजित प्रतियोगितामा हिमरश्मीले काठमाडौं लिङकनलाई २२–१८ ले पराजित ग¥यो । हिमरश्मीको जितमा सविन लामाले ८ अंक योगदान गरे । रुपेश पौडेलको ७ अंक सहयोगमा एन्जल्स हार्टले जीवन ज्योतिलाई १९–१७ ले हरायो ।
जुनियर ब्वाइजमै लालीगुराँस नेसनल एकेडेमी (एलएनए) ले मनमैजुस्थित घरेलु कोर्टमा सिर्जना ज्ञान सागरलाई २०–१६ तथा सिद्धार्थ मोडेलले सेक्रेट हार्टलाई २१–१८ ले पाखा लगाउदै सेमिफाइनलमा स्थान पक्का गरे । एलएनएका श्रवन गुरुङले ८ तथा सिद्धार्थ मोडलका अमिनले ४ स्कोर गरे । सेमिफाइनलमा सिद्धार्थको भेट एन्जल्स हार्टसंग हुनेछ भने हिमरश्मीले एलएनए विरुद्ध खेल्ने छ ।
सिनियर गल्र्समा एलएनएले नर्थ भ्यालीलाई २८–१८, ल्यान्डमार्कले स्प्रिङ भ्यालीलाई १७–१०, हिमरश्मीले नर्थ प्वाइन्टलाई २०–१९ र न्यु एराले पद्यमचक्रलाई २०–१५ ले पन्छ्याउदै सेमिफाइनल यात्रा तय गरे । एलएनएकी सिमरन महर्जनले १०, ल्यान्डमार्ककी नेहा श्रेष्ठले ६, हिमरश्मीकी सुनिशा मिश्रले ४ र न्यु एराकी नर्गिमा तामाङले ७ अंक बटुले । सेमिफाइनल एलएनए र ल्यान्डमार्क तथा हिमरश्मी र न्यु एराबीच हुनेछ ।
