काठमाण्डौ महानगरपालिका वडा नं ७ मा दोश्रो वडा अध्यक्ष कप भेट्रान फुटबल आजबाट हुने

कपन अनलाइन
काठमाडौं, जेठ ३०  ।
काठमाडौं महानगरपालिका वडा ७ को आयोजनामा दोश्रो वडा अध्यक्ष कप भेट्रान फुटबल प्रतियोगिताको तयारी पूरा भएको छ । प्रतियोगिता चन्द्रविनायक पार्क, चावहिल मैदानमा मंगलबारदेखि सुरु हुँदैछ ।
चावहिल स्पोट्स क्लब र चारुमति युवा क्लबको प्राविधिक सहयोगमा हुन लागेको प्रतियोगितामा मोफसलका ६ सहित २१ पुरुष टिमको सहभागिता रहने चावहिल स्पोर्ट्स क्लबका अध्यक्ष अजब श्रेष्ठले जनाएका छन् । ४० वर्षमाथि उमेरसमूहको प्रतियोगिता सिक्स ए साइड स्वरुपमा हुनेछ ।
विजेताले १ लाख र उपविजेताले ५० हजार नगद पुरस्कार पाउने छन् । चार विधागत उत्कृष्टतर्फक खेलाडी, गोलरक्षक, डिफेन्डर र ‘म्यान अफ द सिरिज’ लाई जनही ५ हजार नगद पुरस्कार प्रदान गरिने छ । ढोलाहिटी एफसी साविक विजेता हो । फाइनल असार ४ गते हुनेछ ।