एसियाली खेलकुदका स्वर्णपदक विजेता  मण्डेकाजी श्रेष्ठप्यारागन पब्लिक स्कुलको ब्रान्ड एम्बेडर

कपन अनलाइन

काठमाण्डौ ,चैत्र ८।

१३औं दक्षिण एसियाली खेलकुद प्रतियोगिताका दोहोरो स्वर्णपदक विजेता  मण्डेकाजी श्रेष्ठले मुलुकका लागि पुर्याएको  योगदानलाई कदर गर्दै काठमाडौंको तिलगंगास्थित प्यारागन पब्लिक स्कुलले दुई वर्षका लागि ब्रान्ड एम्बेडरमा नियुक्त गरेको छ ।

सो नियुक्तिसँगै मण्डेकाजी श्रेष्ठलाई मासिक रूपमा तलब दिनुका साथै उनले विभिन्न अन्तर्राष्ट्रिय प्रतियोगितामा सहभागिता जनाउँदा विद्यालयले सहयोग गर्नेसमेत सहमति भएको छ ।

सहमति पत्रमा हस्ताक्षर गर्दै विद्यालयका तर्फबाट विद्यालयकी प्रधानाध्यापक  बिना बानु तथा प्रबन्ध निर्देशक  शाकीर उद्दिनले  मण्डेकाजी श्रेष्ठलाई विद्यालको ब्रान्ड एम्बेसडरमा नियुक्त गरी विद्यालयमा आबद्ध गराउन पाएकामा आफूहरूलाई अत्यन्तै खुसी लागेको बताएका छन  ।

साथै  मण्डेकाजी श्रेष्ठले यस विद्यालयको ब्रान्ड एम्बेसडर बनेर विद्यालयलाई सहयोग गर्न पाएकामा आफूलाई पनि धेरै नै खुसीको महसुस भएको बताउनुभयो । उनले भने , ‘प्यारागन पब्लिक स्कुलले मलाई विद्यालयको खेलकुदको विकास गर्ने कार्यका साथै शैक्षिक गतिविधिमा समेत संलग्न गराई ब्रान्ड एम्बेसडरका रूपमा नियुक्त गरेकामा म विद्यालयप्रति हाद्धिक कृतज्ञता व्यक्त गर्दछु ।’

तपाइँको प्रतिक्रिया ।