जोसेफ मावी बुढानिलकण्ठ-१० ले रजत महोत्सव मनायो,स्थापनाकालमा सहयोग गर्नेलाई सम्मान
कपन अनलाइन
काठमाण्डौ ,फागुन २८।
बुढानिलकण्ठ नगरपालिका वडा नं १० मा रहेको जोसेफ मावीले रजत महोत्सव मनाएको छ।
जोसेफ एजुकेसन नेटवर्क अन्तर्गत रहेका जोसेफ मावी ,आई जोसेफ मावी र जोसेफ कलेजको अभिभावक दिवस तथा २५ औ वार्षिकोत्सवका अवसरमा विद्यालय स्थापनाकालमा योगदान पुर्याउने विभिन्न व्यक्तित्वहरुलाई सम्मान समेत गरिएको थियो।
अमेरिकाका लागि अवैतनिक महाबाणिज्य दुत बरिस्ट लोक गायक प्रेमराजा महतको प्रमुख आतिथ्यमा भएको सो रजत महोत्सवमा नेसनल प्याव्सनका पुर्व अध्यक्ष ऋतुराज सापकोटा सहित विभिन्न व्यक्तित्वहरुको उपस्थिति रहेको थियो।
जोसेफ मावीका संस्थापक प्रधानाध्यापक सुर्य बहादुर अधिकारीले अतिथि तथा अभिभावकहरुलाई स्वागत गर्दै विद्यालय स्थापनाकालमा पहिलो कर्मचारी रहेका व्यक्तित्वहरुका वारेमा जानकारी दिएका थिए।
सम्मान संगै विद्यालयका विद्यार्थीहरुको सांस्कृतिक प्रस्तुतिहरु रहेको रजत महोत्सवमा नेपालको शैक्षिक विकासमा जोसेफ एजुकेसन नेटवर्कको योगदानका वारेमा पनि चर्चा गरिएको थियो।
जोसेफ मावीको कक्षा ९ की बिन्दिका कोइराला र इन्टरनेसनल जोसेफ को कक्षा ९ की रक्षिका अधिकारीले स्वागत मन्तव्य राखेको रजत महोत्सवमा इन्टरनेसनल जोसेफका प्रिन्सिपल मनोज अधिकारीले शैक्षिक गतिवधिहरुका वारेमा जानकारी दिएका थिए।
