गोकर्णेश्वर ४ मा बजार अनुगमन

कपन अनलाइन

काठमाडौं, फाल्गुन १२ । गोकर्णेश्वर ४  मा बजार अनुगमन गरिएको छ । बिहिबार गोकर्णेश्वर नगरपालिकाका  वडा नं ४ का वडासदस्य एबम कार्यपालिका सदस्य गौरी श्रेष्ठ वडा सदस्य  सुनिता परियार , वडा सचिव नवराज सेन सहित कर्मचारीको टोलीले वडा नं ४ भगवतीस्थान वरपर संचालित पसलहरुको अनुगमन गरेको हो ।

 अनुगमनका क्रममा दर्ता तथा नविकरण नभएका पसलहरुलाई दर्ता तथा नविकरणका लागि एक हप्ताको म्याद सहित सुझाव दिईएको थियो । दिईएको समयमा पसल दर्ता, नविकरण तथा नगरपालिकाले दिएको सुझाव अनुसारका काम नगरे कारवाही प्रक्रिया अगाडी बढाउने  वडाले जानकारी दिएको छ  ।

अनुगमन गरिएका सबै पसलमा अनिवार्य रुपमा मूल्य सूची सबैले देख्ने गरी राख्न, सर्वसाधारण जनताको स्वास्थ्य र हित कायम गर्ने कुरामा विशेष ध्यान दिइ मासुको बिक्री वितरण गर्न स्थलगत रुपमै निर्देशन दिइएको  वडाले जानकारी गराएको छ ।