पायोनियर पब्लिक स्कुल बुढानिलकण्ठ-१२ को खेलकुद सप्ताह शुरु
कपन अनलाइन
काठमाडौं, फागुन १२।
पायोनियर पब्लिक स्कुल बुढानिलकण्ठ नगरपालिका वडा नं १२ को खेलकुद सप्ताह शुरु भएको छ।
दुई दशक भन्दा बढी समयदेखि शिक्षा क्षेत्रमा सक्रिय रहेको पायोनियर पब्लिक स्कुलका विद्यार्थीहरुको क्षेमता विकासका लागि आयोजना गरिएको सो खेलकुद सप्ताहको उद्घाटन समारोहका प्रमुख अतिथि बुढानिलकण्ठ नगरपालिका वडा नं १२ का अध्यक्ष शम्भु प्रसाद भट्टराईले गरेका थिए।
पायोनियर पब्लिक स्कुल विद्यालय व्यवस्थापन समितीकी अध्यक्ष प्रमिला केसीको अध्यक्षतामा भएको उद्घाटन समारोहमा वडा नं १२ की सदस्य तथा नगर कार्यपालिका सदस्य शान्ता ढकाल पुडासैनी, नेसनल प्याव्सन काठमाडौं सदस्य तथा पुर्व प्रधानाध्यापक राजन श्रेष्ठ ,नेसनल प्याव्सन बुढानिलकण्ठका अध्यक्ष नारायणबाबु तिमल्सिना सहित विभिन्न विद्यालयका प्रिन्सिपलहरुको उपस्थिति रहेको थियो।
विद्यार्थीहरुको रचनात्मक क्षेमता विकासका लागि नियमित रुपमा विभिन्न अतिरिक्त क्रियाकलापहरुलाई विद्यालयले प्राथमिकता दिएको बताउदै प्रिन्सिपल सुस्मिता मैनालीले खेलकुद सप्ताहमा विभिन्न खेलहरु समावेस रहेको जानकारी दिएकी छन।
