अवकाश प्राप्त ६जना शिक्षकहरूलाई शंखरापुर नगरपालिकाको सम्मान

कपन अनलाइन

काठमाडौं माघ १८।५ औं अन्तर्राष्ट्रिय  शिक्षा दिवस २०७९को  अवसरमा शंखरापुर नगरपालिका शिक्षा,युवा तथा खेलकुद शाखाको  आयोजनामा अनिवार्य एवं स्वेच्छिक अवकाश प्राप्त ६जना शिक्षकहरूलाई सम्मान गरिएको छ ।

शंखरापुर नगरपालिकाका प्रमुख रमेश नापित एवं उपप्रमुख समिता श्रेष्ठले अनिवार्य एवं स्वेच्छिक अवकाश प्राप्त कालिकाशरण मा.वि का  मा.वि शिक्षक द्वितीय प्रमोद प्रधान, नि.मा.वि शिक्षक द्वितीय कालिकाशरण मा.वि.का कृष्ण लाल बजगाई, प्रा.वि. शिक्षक द्वितीय बनदेवि आधारभूत बिध्यालयका केशव प्रसाद पुडासैनी, प्रा.वि शिक्षक द्वितीय शिलादेवि आधारभुत बिध्यालयका प्रधुन्न पौडेल, प्रा.वि. शिक्षक द्वितीय वैरमहादेव आधारभूत बिध्यालयका श्यामबहादुर थापा, .वि. शिक्षक द्वितीय साँखु आधारभुत बिध्यालयका फिरोज राज श्रेष्ठलाइ एक कार्यक्रमका बीच सम्मान गरिएको नगरपालिकाले जनाएको छ ।कार्यक्रममा प्रमुख प्रशाकीय अधिकृत बासुदेब खनाल, शिक्षा,युवा तथा खेलकुद शाखा प्रमुख शुकदेब नेपाल, शाखाका  कर्मचारीहरू,नगरपालिकाका कर्मचारीहरू एवं विभिन्न बिधालयका शिक्षकहरुको उपस्थिति रहेको थियो ।