शंखरापुर नगरपालिकाले गर्यो ओछ्यान परेका जेष्ठ नागरिकलाई न्यानो कपडा वितरण

कपन अनलाइन

काठमाडौं माघ १८। शंखरापुर नगरपालिकाले ओछ्यान परेका जेष्ठ नागरिकलाई न्यानो कपडा वितरण गरेको छ । नगरप्रमुख रमेश नापितले नगरपालिकाको वडा नम्बर ५, ६ र ७ का ओछ्यान परेका १२ जना जेष्ठ नागरिकको घर घरमा पुगेर न्यानो कपडा वितरण गरेको  शंखरापुर नगरपालिका महिला, बालबालिका तथा जेष्ठ नागरिक शाखा प्रमुख निर्जला चुडाल अधिकारीले जानकारी दिएकी छन ।

प्रत्येक वडामा २ जना पुरुष र २ जना महिला गरी १२ जना जेष्ठ नागरिकलाई ब्याङ्केट, हर्लिक्स र मिश्री वितरण गरिएको अधिकारीले जानकारी दिइन  । अन्य वडामा रहेका जेष्ठ नागरिकलाई पनि न्यानो कपडा वितरण गर्ने कार्यक्रम रहेको अधिकारीले जानकारी दिएकी छन  ।  उक्त कार्यक्रममा नगर प्रवक्ता एबम वडा नं ६ का वडा अध्यक्ष राधाकृष्ण श्रेष्ठको समेत उपस्थिति रहेको थियो