कुशे औंशीलाइ लक्षित गरि गोकर्णेश्वर महादेव मन्दिर परिसर सरसफाई

कपन अनलाइन

काठमाडौँ, भाद्र ९।  प्रत्येक वर्ष भाद्र कृष्ण औँसी (कुशे औंशी) का दिन उपत्यकाको उत्तर–पूर्वी भेगस्थित गोकर्णेश्वर महादेव मन्दिरमा लाग्ने मेलालाइ मध्यनजर गर्दै  मन्दिर क्षेत्र  सरसफाई गरिएको छ ।

मेला व्यवस्थापन सरसफाई उप समितिका संयोजक पूर्व वडा अध्यक्ष श्रीकुमार श्रेष्ठको संयोजकत्वमा भएको उक्त क्षेत्र सरसफाईमा गोकर्णेश्वर नगरपालिका वडा नं ४ का जनप्रतिनिधि, गोकर्णेश्वर महादेव मन्दिर क्षेत्र प्रबन्ध समितिका पदाधिकारी, तालिन्चोक युवा क्लब, ग्रिन आर्मीका स्वयम् सेवा,सामुदायिक प्रहरी र स्थानीय सामाजिक  संघ संस्था सहित  स्थानीयको सहभागिता रहेको थियो ।

प्रत्येक वर्ष भाद्रकृष्ण औंसीका दिन गोकर्णेश्वर महादेव मन्दिर परिसरमा दिवंगत पितृका नाममा जलदान, सिदादान र पिण्डदान गर्न लाखौं भक्तजन आउने गर्छन् । भाद्रकृष्ण औंसीका दिन यहाँ आएर जलदान, सिदादान र पिण्डदान गरेमा २१ कुलसम्मका पितृ तर्छन् भन्ने धार्मिक विश्वास छ ।