गजल : कविता दाहाल

कपन अनलाइन
काठमाडौं, साउन २७।

गरा, गरा छुट्याउन आली हुनुपर्छ
बाँझो खेतको कामै छैन बाली हुनुपर्छ ।

साँच्चै माया गर्छौ भने यत्ति भन्न सक्छु
मेरो जीतमा सँधै तिम्रो ताली हुनुपर्छ ।

माया चाहने मन पहिला खाली हुनुपर्छ
फूलको चाह गर्ने भए माली हुनुपर्छ ।

मन जीते बल्ल जित्छौ जीवन भरलाई खुशी
घरमा सुवास छर्न त घरवाली हुनुपर्छ ।

सहकार्य : कपन बानेश्वर साहित्यिक साप्ताहिक