बुढानिलकण्ठको मत गणना स्थलमा तारबार,सुरक्षा व्यवस्था कडा बनाइयो

कपन अनलाइन

काठमाण्डौ ,बैशाख २९ ।

बुढानिलकण्ठ नगरपालिकाको मत गणना स्थलमा तारवार लगाइएको छ। बुढानिलकण्ठ नगरपालिका वडा नं २ मा रहेको निर्वाचन आयुक्तको कार्यालयमा तयार गरिएको मतगणना स्थलमा फलामको तार जाली लगाइएको छ भने सुरक्षा व्यवस्था पनि कडा बनाइएको छ।

बुढानिलकण्ठ नगरपालिकाका १३ वटाका ५५ मतदान केन्द्रको मत पेटिका संकलन पश्चात गणना हुने सो स्थानमा हुन् सक्ने घटना र अप्रत्यासित गतिविधिलाई रोक्न सो कार्यालयको मत गणना स्थलमा सिसि टिभीको पनि व्यवस्था गरिएको छ।

त्यस्तै आजै देखि निर्वाचन कार्यालय वरिपरी सुरक्षा व्यवस्था निकै कडा बनाइएको छ ।