युवा जोशका अनुभवी जनप्रतिनिधि सुमन तामाङ्गलाई बुढानिलकण्ठ -८ वासीको आत्मीय स्वागत

कपन अनलाइन

काठमाण्डौ ,बैशाख २३।

साविक महांकाल गाविस वडा नं ६ को अध्यक्षमा निर्वाचित भएर वडावासीको सेवा गरेका बुढानिलकण्ठ -८ का अध्यक्ष उम्मेदवार सुमन तामाङ्ग २०७४ सालको स्थानीय तहको निर्वाचनमा पनि वडा अध्यक्ष पदमा निर्वाचित भएका थिए।

आफ्नो ५ वर्षे कार्यकालमा पूर्वाधार विकास ,युवा तथा खेलकुद लक्षित अभियान र सामाजिक विकासका विविध कार्यक्रमहरुलाई सफलता पुर्वक सम्पन्न गरेका तामाङ्गले सार्वजनिक सम्पत्ति संरक्षणमा पनि महत्वपूर्ण योगदान दिएका छन।

दुई कार्यकाल जनप्रतिनिधिका रुपमा अनुभव संगालेर  तेश्रो कार्यकालका लागि चुनावी मैदानमा  उत्रिएका  तामाङ्गले अहिले वडा वासीहरु बाट निकै न्यानो र आत्मीय स्वागत पाइरहेका छन।

बैशाख ३० गते हुने स्थानीय तहको निर्वाचनमा अध्यक्ष तामाङ्ग खुल्ला सदस्यका उम्मेदवार बिनोद थापा र सबिन अधिकारी ,महिला सदस्यका उम्मेदवार मैना पराजुली र दलित महिला सदस्य गोमा मग्राती संगै मैदानमा रहेका छन।