डम्बर अधिकारी र कमला गौतम माओवादी केन्द्र बुढानिलकण्ठका प्रमुख र उपप्रमुख उम्मेदवार
कपन अनलाइन
काठमाण्डौ ,चैत्र २५।
नेकपा माओवादी केन्द्रले बुढानिलकण्ठ नगरपालिकाका प्रमुख र उपप्रमुख उम्मेदवार टुंगो लगाएको छ। नेकपा माओवादी केन्द्र बुढानिलकण्ठको पूर्ण बैठकले अनुमोदन गर्नेगरी नगर प्रमुखमा डम्बर अधिकारी र उपप्रमुखमा कमला गौतमलाई उम्मेदवार बनाउने निर्णय गरिएको हो।
नेकपा माओवादी केन्द्र बागमती प्रदेस कमिटीका सदस्य अधिकारी लामो समय देखि नेकपा माओवादी केन्द्रका विभिन्न जिम्मेवारीहरुमा सक्रिय रहेका थिए।
बुढानिलकण्ठ नगरपालिका वडा नं १० मा रहेको बालउद्दार नमुना मावीका पुर्व व्यवस्थापन समितीका अध्यक्ष अधिकारीले साविक कपन गाविसको संयन्त्रमा दलीय प्रतिनिधिका रुपमा समेत योगदान दिएका थिए।
त्यस्तै नेकपा माओवादी केन्द्र बुढानिलकण्ठ नगर कमिटीकी उपाध्यक्ष कमला गौतम द्वन्द काल देखि माओवादी आन्दोलनमा सक्रिय रहेकी छन।
पुर्व लडाकु समेत रहेकी गौतमले अखिल नेपाल महिला संघका विभिन्न जिम्मेवारीमा रहेर आन्दोलनमा योगदान पुर्याएकी छन।
नगरप्रमुखमा सर्वसम्मत बनेका अधिकारी वडा नं १० निवासी हुन् भने उपप्रमुखमा सर्वसम्मत सिफारिस भएकी गौतम वडा नं ८ निवासी हुन्।
