बुढानिलकण्ठ नगरपालिका उपमेयर कप फुटसल प्रतियोगिताको फाइनलमा

कपन अनलाइन

काठमाडौँ, चैत्र २३ ।

नागार्जुन नगरपालिकाको आयोजनामा संचालित उपत्यका व्यापी उपमेयर कप फुटसल प्रतियोगितामा बुढानीलकण्ठ नगरपालिका फाइनलमा प्रवेश गरेको छ ।

उपत्यका सबै नगरपालिका तथा उप-महानगरपालिकाका तर्फबाट उपस्थित १३ टिममा बुढानीलकण्ठ नगरपालिका र आयाेजक नागार्जुन नगरपालिका फाइनलमा प्रवेश गर्न सफल भएकाे छ ।

बुढानीलकण्ठ नगरपालिका र चन्द्रागिरी नगरपालिका बिच भएको सेमीफाइनल खेल १-१ गोलको बराबरी भए संगै टाई ब्रेकरमा पुगेको खेलमा बुढानीलकण्ठ नगरपालिका वडा नं ०९ बस्ने संजिब लामाको उत्कृष्ट बचाउका कारण बुढानीलकण्ठले जित हात पार्न सफल भएको हो ।

यस खेलमा बुढानीलकण्ठका सबै वडाका प्रतिनिधित्व गर्दै  उत्कृष्ट खेलाडिहरु सहभागी भएका छन ।