गोकर्णेश्वर नगरपालिका वडा नं -९ ले डस्टविन हस्तान्तरण गर्ने

कपन अनलाइन

काठमाडौँ, चैत्र २२।  गोकर्णेश्वर नगरपालिका वडा नं ९ ले सार्वजनिक सुचना जारी गरेको छ। वडा अध्यक्ष राजिब थापाले जारी गरेको उक्त सुचनामा गोकर्णेश्वर नगरपालिका वडा नं ९ ले फोहोर मैला व्यवस्थापन गर्ने उदेश्यले चोक तथा सडक पेटीमा राखी फोहोर संकलन गर्ने एबम स्वच्छ वडाको पहिचान स्थापित गर्नको लागि डस्टविन हस्तान्तरण गर्न लागेको हुनाले सो डस्टविनहरु आफ्नो संरक्षक्त्वमा बुझेर उपयुक्त स्थानमा व्यवस्थापन गर्न इच्छुक महिला समुह, युवा समुह टोल सुधार समिति तथा सामाजिक संस्थाहरुले आफ्नो समुह तथा संस्थाको नाम टिपाउन हुन अनुरोध गरिएको छ।

साथै महिला समूह युवा समुह टोल सुधार समिति तथा सामाजिक संस्थाहरु अनिवार्य रुपमा गोकर्णेश्वर नगरपालिकामा दर्ता तथा नवीकरण भएको हुनुपर्ने  सर्वाजनिक सुचनामा उल्लेख गरिएको छ ।