त्रि -ज्योति माविको २८औं वार्सिकोत्सव, २७औं अभिभावक दिवस तथा प्रतिभा सम्मान सम्पन्न

कपन अनलाइन

काठमाण्डौ ,चैत्र ६।

त्रि -ज्योति माविको २८औं वार्सिकोत्सव, २७औं अभिभावक दिवस तथा प्रतिभा सम्मान सम्पन्न भएको छ।

बुढानिलकण्ठ नगरपालिका वडा नं १२ मा रहेको विद्यालय प्रांगणमा भएको कार्यक्रमको प्रमुख अतिथि नेपाल सरकारका स्वास्थ्य राज्यमन्त्री भवानी  खापुङ्ग रहेका थिए भने अध्यक्षता संचालक समितीका अध्यक्ष केशव प्रसाद दंगालले गरेका थिए।

बागमती प्रदेसका प्रदेस सभा सदस्य कुसुम कुमार कार्की , बुढानिलकण्ठ नगरपालिकाका प्रमुख उद्दव प्रसाद खरेल , वडा नं १० का अध्यक्ष नवराज भट्टराई ,वडा नं ११ का अध्यक्ष राजु अधिकारी ,वडा नं १२ का अध्यक्ष शम्भु प्रसाद भट्टराई , नेकपा एमाले बुढानिलकण्ठका अध्यक्ष प्रदिप डंगोल ,नेपाली कांग्रेस बुढानिलकण्ठका सभापति राजाराम बुढाथोकी लगायतको उपस्थितिमा भएको सो कार्यक्रममा विभिन्न क्षेत्रमा योगदान पुर्याउने व्यक्तित्वहरुलाई सम्मान समेत गरिएको थियो।

विद्यालयका प्रधानाध्यापक गणेश कुमार मिश्रले स्वागत मन्तव्य राखेको सो कार्यक्रममा त्रि -ज्योति कला साहित्य सम्मान -०७८ -गायिका तारा थापा , त्रि -ज्योति समाजसेवा सम्मान -०७८-पत्रकार जीवराम भन्डारी , त्रि -ज्योति प्रतिभा सम्मान -०७८- डा .बाबुराम पान्डे ,त्रि -ज्योति साहसिक सेवा सम्मान -०७८ -सगरमाथा आरोही निमा दोर्जे शेर्पा र त्रि -ज्योति समर्पण सेवा सम्मान -०७८ -निमा यन्जी शेर्पा र त्रि -ज्योति जेष्ठ अभिभावक सम्मान- मोतिमाया पुरीलाई प्रदान गरिएको थियो ।