बुढानिलकण्ठ नगरपालिकामा जित्न हामीले गरेका कामहरु नै काफी छन : डा.राजन भट्टराई
कपन अनलाइन
काठमाण्डौ ,चैत्र ५।
नेकपा एमालेका स्थायी कमिटी सदस्य डा.राजन भट्टराईले बुढानिलकण्ठ नगरपालिकामा नेकपा एमालेको नेतृत्वमा भएका कामहरु नै आगामी निर्वाचनमा विजयी प्राप्त गर्न काफी रहेको बताएका छन।
नेकपा एमाले बुढानिलकण्ठ नगरपालिका वडा नं १० कमिटीको आयोजनमा भएको स्थानीय तह निर्वाचन अभिमुखीकरण कार्यक्रममा बोल्दै डा. भट्टराईले नेकपा एमालेको सरकार भएको समयमा संघीय,प्रदेस र स्थानीय सरकाले बुढानिलकण्ठ नगरपालिकामा खानेपानी ,सडक पूर्वाधार ,डुवान समस्या समाधान सहित धेरै योजनाहरु सम्पन्न गरेको बताएका थिए।
स्थानीय तहको निर्वाचन कार्यतालिका सार्वजनिक भैसकेको अवस्थामा अवको सम्पूर्ण पार्टी काम र संगठन परिचालन चुनाव केन्द्रित बनाउन निर्देशन दिदै डा.भट्टराईले हरेक पार्टी सदस्यले नगरपालिकामा भएका कामहरुका वारेमा नगरवासीलाई बुझाउनु पर्ने धारणा राखेका छन।
काठमाण्डौ क्षेत्र नं ४ का प्रतिनिधि सभा,दुई प्रदेस सभा र क्षेत्रका १२ वटै वडामा नेकपा एमालेलाई जिताउन सक्रिय बन्न नेता तथा कार्यकर्ताहरुलाई आव्हान गर्दै उनले विभिन्न राजनीतिक विषयमा प्रशिक्षण दिएका थिए।
