शंखरापुर नगरपालिकाको वडा नम्बर ३ र ८ को नव निर्मित प्रशासनिक भवन उद्घाटन

कपन अनलाइन

काठमाडौं फाल्गुन १७ । शंखरापुर नगरपालिकाको वडा नम्बर ३ र ८ को नव निर्मित प्रशासनिक भवनको आइतबार उद्घाटन  गरिएको छ । भवन कार्यक्रमका प्रमुख अतिथि समेत रहेका शंखरापुर नगरपालिकाका नगर प्रमुख सुवर्ण श्रेष्ठले एक कार्यक्रमका बिच दुबै भवनको उद्घाटन गरेका हुन् । भवन उद्घाटन कार्यक्रममा बोल्दै नगर प्रमुख श्रेष्ठले  छिटै नै निमार्ण सम्पन्न हुन लागेका बाँकी वडाहरुको प्रशासनिक भवनको उद्घाटन गर्ने तयारी भइरहेको जानकारी गराएका थिए । त्यस्तै गरि वडा नम्बर ५ वडा कार्यालयको भवन निर्माणको क्रम जारी रहेको उनले बताए ।

यहि आर्थिक वर्षमा छिट्टै नै नगरपालिका भित्र भएका अन्य सामुदायिक  भवन निर्माण सम्पन्न हुने गरि  नगरपालिका तयारीमा जुटेको नगर प्रमुख श्रेष्ठले भनाइ रहेको थियो । वडा कार्यलयको नव निर्मित प्रशासनिक भवन अपाङ्ग मैत्री भएको पनि श्रेष्ठले बताए। नगरपालिकाका प्रमुख प्रशासकिय अधिकृत रमेश गौतमले वडाको नव निर्मित भवन स्थित जग्गा स्थानीयले  नगरपालिकाको नाममा दान स्वरुप दिएकाले भवन बनाउँन सफल भएको बताएका छन् ।

वडा नम्बर ८ कार्यालयको नव निर्मित वडा कार्यालय भवन १ करोड २० लाख  रुपैया लागतमा र वडा नम्बर ३ कार्यालयको नव निर्मित भवन ३ करोड ४० लाख रुपैया लागतमा निर्माण सम्पन्न भएको बताए । नगरपालिका वडा नम्बर ८ का वडा अध्यक्ष हितमान तामाङ्गले वडा कार्यालयको नव निर्मित प्रशासनिक भवनमा प्रविधिसहित सेवा सुचारु हुने बताएका छन् । त्यस्तै वडा नम्बर ३ का वडा अध्यक्ष सन्त बहादुर वाइवाले वडा कार्यालयको नव निर्मित प्रशासनिक भवनम अपाङ्ग मैत्री र प्रविधियुक्त भएकाले वडाबासिले सहज रुपमा सेवा लिनेमा आफु ढुक्क रहेको बताए ।

वडा नम्बर ८ का वडा अध्यक्ष हितमान तामाङ्ग र वडा नम्बर ३ का वडा अध्यक्ष सन्त बहादुर वाइवाको अध्यक्षतामा सम्पन्न भएको सो कार्यक्रममा नगर उप प्रमुख शुक्रलक्ष्मी श्रेष्ठ   नगरपालिकाका  प्रमुख प्रशासकीय अधिकृत रमेश गौतम जनप्रतिनिधि कर्मचारी, बिभिन्न राजनीतिक दलका प्रतिनिधिहरुको साथै स्थानीयको उपस्थिति रहेको थियो    ।