शक्ति समुहलाई  कानून, न्याय तथा संसदीय मामिला मन्त्रालयको पुरस्कार

शक्ति समुहलाई  कानून, न्याय तथा संसदीय मामिला मन्त्रालयले पुरस्कार प्रदान गरेको छ। मानव बेचबिखन र आधुनिक दासताका क्षेत्रमा लामो समय देखि क्रियाशील रहेको शक्ति समुहले  एक लाख ११ हजार एक सय ११ रूपैयाँ र प्रमाणपत्र प्राप्त गरेको छ।

नेपाल पर्यटन बोर्डको सभा हलमा आयोजना गरिएको औपचारिक समारोहमा प्रधानमन्त्री शेरबहादुर देउवाले संस्थातर्फ काठमाडौंको शक्ति समूह र व्यक्तितर्फ शुद्धोधन गाउँपालिका-६ कपिलवस्तुका अधिवक्ता शैलेन्द्रप्रसाद हरिजनलाई पुरस्कार हस्तान्तरण गरेका थिए ।

मानव बेच बिखन र आधुनिक दासताका विषयमा निरन्तर आवाज उठाउदै आएको संस्थालाई मन्त्रालयले पुरस्कार प्रदान गर्नु निकै खुसीको कुरा रहेको भन्दै अध्यक्ष चरिमाया तामाङ्गले यसले आगामी दिनमा थप सक्रिय बन्न प्रेरित गरेको बताएकी छन।