गोकर्णेश्वरमा तेस्रो मुवाँथाई बेल्ट फाईट खेल प्रतियोगिता हुने

कपन अनलाइन

काठमाडौं, कात्तिक २८। गोकर्णेश्वर मुवाँथाई नगर कमिटिको आयोजनामा तेस्रो मुवाँथाई बेल्ट फाईट खेल प्रतियोगिता हुने भएको छ ।शनिबार गोकर्णेश्वर ८ अत्तरखेल स्थित हिमालयन किचेनमा पत्रकार सम्मेलन गर्दै आगामी मंसिर ८ गते बुधबार  गोकर्णेश्वर ९ स्थित शंखडोल कभर्ड हलमा राष्ट्रिय स्तरमा खेल आयोजना गर्न लागेको  गोकर्णेश्वर मुवाँथाई नगर कमिटीका अध्यक्ष सानुकान्छा श्रेष्ठले जानकारी गराएका  छन् ।

खेल एम्वीयुचर,सेमी प्रो र प्रोफेशनल गरि तीन चरणमा खेलाइने बताउदै  हरेक राउण्ड तीन मिनेटको हुने र त्यस बीच खेलको दौरान  १ मिनेटको विश्राम समय हुने पनि जानकारी गराए का थिए  । उक्त  खेल खेल्दा हात खुट्टा इल्वोउस,फिष्ट,नी र सिन्सको प्रयोग गरिन्छ ।आगामी मंसिर ८ गते  हुन गइरहेको सो खेलमा २ जना महिला र २८ जना पुरुषको  सहभागीता रहने जानकारी दिदै खेलाडीहरुलाई हौसला बढाउन  उक्त कार्यक्रममा सहभागी हुनको लागि अनुरोध गरेका छन्  ।