टोखामा वीर गणेशमान सिंहको १०७ औं जन्मोत्सव मनाइयो

कपन अनलाइन

काठमाण्डौ ,कार्तिक २४/नविना श्रेष्ठ

टोखा नगरपालिकामा वडा २,३ को संयुक्तमा सर्वोच्च कमाण्डर वीर गणेशमान सिंहको १०७औं जन्मोत्सव मनाइएको छ। टोखा वडा नं ३ वडा कार्यालय भवन अगाडि जम्मा भई वडा नं २ गणेश पोखरीको गणेशमान सिंहको सालिकमा प्रमुख अतिथि महामन्त्री डा.शशांक कोइरालाबाट फूल माला अर्पण गरी कार्यक्रम उद्घाटन गरेको छ।

नेपाली कांग्रेस लौह पुरुष जनआन्दोलनका सर्वोच्च कमाण्डर वीर गणेशमान सिंहको १०७ औं जन्म जयन्तीको कार्यक्रममा उपस्थित नेपाली कांग्रेसका नेतृत्व कर्ताहरु सबैले फुलको गुच्छा चढाइ हार्दिक श्रद्धासुमन अर्पण गरेका थिए।

कार्यक्रमका प्रमुख अतिथि महामन्त्री शशांक कोइरालाले बिपी कोइरालाको विचार गणेशमान सिंहको बलिदान कृष्णप्रसाद भट्टराईको आदर्श जिबनबाट सिंचित नेपाली कांग्रेसका अहिलेका नेताहरुले आफ्नो जिबनमा त्यति लागू नगरेको बताए। टोखाको समग्र नेपाली कांग्रेसको राजनीति विकासको लागि सबै एकजुट हुनुपर्ने र एकआपसमा विश्वास मित्रता हुनुपर्ने बताए ।

१०७ औं वीर गणेशमान सिंहको जन्मोत्सब कार्यक्रम टोखा वडा २का इकाई सभापति हेराकाजी महर्जन डंगोलले कार्यक्रम सञ्चालन गरेकाको  कार्यक्रममा टोखा नगरपालिकाका नेपाली कांग्रेसका अग्रज नेतृत्व शुभचिन्तक नेता कार्यकर्ता बुद्धिजीवी पार्टीका अगुवाहरूको उपस्थिति  रहेको थियो।