कार्तिक १८ गते बुढानिलकण्ठ -१२ दुर्गामन्दिरबाट ल्यापटप चोर्ने २३ गते साततलेमा पक्राउ

कपन अनलाइन

काठमाण्डौ ,कार्तिक २४।

कार्तिक १८ गते बुढानिलकण्ठ -१२ दुर्गामन्दिरबाट ल्यापटप चोर्ने २३ गते साततलेमा पक्राउ परेका छन।

कार्तिक १८ गते दिउसो २.३० बजेको समयमा बुढानिलकण्ठ नगरपालिका वडा नं १२ दुर्गा मन्दिर नजिकबाट  ल्यापटप र एक झोला चार्जर चोरेर फरार रहेका तिन जनालाई कपन प्रहरी प्रभागको टोलिल्रे २३ गते वडा नं १० सात तले बाट पक्राउ गरेको हो।

हाल  बुढानिलकण्ठ नगरपालिका वडा नं. १० कपन साततले बस्ने बर्ष २७ को कृष्ण तामाङ र र  बर्ष ३२ को बिक्रम दर्जीलाई पक्राउ गरी थप अनुसन्धान गर्दा निजहरुले चोरी गरेको ल्यापटप वडा नं. १० कपन बस्ने बर्ष २५ को बिशाल लिम्बुलाइ बेचेको अवस्थामा फेला पारि पक्राउ गरिएको कपन प्रहरीले जानकारी दिएको छ।

उनीहरुबाट  मोबाईल  ४ थान, ल्यापटप  २थान, घडि  ३थान सहित विभिन्न कागजातहरु समेत बरामद भएको थियो।