नेकपा एकीकृत ( समाजबादी) शंखरापुरको नगर अध्यक्षमा श्याम कुमार वाईबा
कपन अनलाइन
काठमाडौं ,कात्तिक १४। नेकपा (एकीकृत समाजबादी) शंखरापुरको नगर अध्यक्षमा श्याम कुमार वाईबा चयन भएका छन । सम्पन्न उक्त पार्टीको भेलाबाट वाईबाको नेतृत्व १०१ सदस्य कमिटी गठन भएको हो।नेकपा (एस) शंखरापुर नगर कमिटी उपाध्यक्षमा मदन कुमारी बज्राचार्य, सचिवमा अमृत प्रसाद दंगाल तथा उपसचिवमा सुवास आचार्य चयन भएका छन ।
शंखरापुर नगरपालिकाको साँखु स्थित भक्ती बेम्बो कटेजमा (एकीकृत समाजबादीका) पोलिट्ब्युरो सदस्य तथा लुम्बिनी प्रदेश कमिटीका अध्यक्ष मेटमणी चौधरीको प्रमुख आतिथ्यमा सम्पन्न उक्त कार्यक्रममा युवा संघ नेपालका केन्द्रिय उपाध्यक्ष, केन्द्रिय परिषद सदस्य तथा बागमति प्रदेश कमिटी सदस्य युवा नेता नितेश पौडेल, केन्द्रिय परिषद सदस्य भरत फुयाल,नेकपा एकीकृत समाजबादी बागमती प्रदेश कमिटी सदस्यहरु शम्भु प्रसाद दुलाल, शुक्रलक्ष्मी श्रेष्ठ, कर्ण बहादुर कार्की, रुपेशलाल श्रेष्ठ, सुर्जनारायण श्रेष्ठ, तथा नेकपा (एकीकृत समाजबादी) काठमाडौं जिल्ला कमिटी उपसचिव एल. पि श्रेष्ठ, जिल्ला कमिटी सदस्यहरु, रत्न लामा, सुकुमान स्याङ्बो, सुर्यमान तामाङ, प्रबिण वाईबा(गणेश) घनश्याम थापा, दल बहादुर तामाङ, बासुदेब दंगाल,शिव प्रसाद दंगाल,मिना पाण्डे( दंगाल),बबिन श्रेष्ठ, जनकलाल श्रेष्ठ, काठमाडौ जिल्ला सचिवालय सदस्य तथा क्षेत्र नं २ का इन्चार्ज रुद्र प्रसाद चापाँगाई, जिल्ला कमिटी सदस्य तथा कागेश्वोरी नगर इन्चार्ज डा. रमेश ढकाल, क्षेत्रीय कमिटी सदस्यहरु क. धर्म राज कार्की, उदय बहादुर कार्की,दिल कुमार घ्लान लगायतको उपस्थिति थियो।
भेला पूर्व बिहान शंखरापुर नगरपालिकाको इन्द्रायणी चोकबाट मोटरसाइकल र्यालीसमेत गरिएको थियो। र्याली इन्द्रायणी, सानागाउ- साँखु- जहरसिंहपौवा- नाङ्लेभारे- चाँपाबोट-कात्तिके- पालुबारी हुँदै साँखुको महादेबस्थानमा गई टुङिएको थियो।
