नयाँ दिल्लीस्थित एक अदालतमा गोली चल्दा कम्तिमा तीन जनाको मृत्यु
कपन अनलाइन
काठमाण्डौ ,असोज ९।
भारतको राजधानी नयाँ दिल्लीस्थित एक अदालतमा गोली चल्दा कम्तिमा तीन जनाको मृत्यु भएको छ । दिल्लीको रोहिणी कोर्टमा शुक्रवार दिउँसो गोलीबारी भएको हो । भारतीय संचारमाध्यमहरुका अनुसार घटनामा एक ग्यांगस्टार र दुई अपराधीको ज्यान गएको छ । न्यूज एजेन्सी एएनआईका अनुसार जितेन्द्र मान गोगी नामका ग्यांगस्टारको ज्यान गएको हो । गोगीमाथि गोली चलाएका दुई अपराधीको भने प्रहरीको फायरिंगमा ज्यान गएको हो । उनीहरुको घटनास्थलमै ज्यान गएको प्रहरीले जनाएको छ ।
आक्रमणकारी वकिलको पोशाकमा आएको बताइएको छ । घटनामा एक महिला वकिलसहित अन्य तीन जना भने घाइते छन् । दिल्ली पुलिस कमिश्नर राकेश अस्थानाका अनुसार रोहिणी कोर्टमा गोगीको सुनवाई हुने क्रममा लैजान लागिएको थियो । मारिने अन्य दुई अपराधीमध्ये एक जनाको टाउको मूल्य समेत तोकेर प्रहरीले खोजि गरिरहेको थियो । उनको मुल्य ५० हजार भारु तोकिएको थियो ।
