मानव बेचविखन विरूद्ध योगदान दिने विश्वास नेपाललाई सम्मान

कपन अनलाइन
काठमाडौं, भदौ ३१।

मानव बेचविखन विरूद्धको अभियानमा विशेष योगदान पुर्याएकोमा विश्वास नेपाललाई  सम्मान गरिएको छ ।
महिला, बालबालिका तथा ज्येष्ठ नागरिक मन्त्रालयद्वारा बुधवार आयोजित कार्यक्रममा राष्ट्रिय योजना आयोगका सदस्य सलोनी सिंहले संस्था की अध्यक्ष तारा भण्डारीलाई सम्मानपत्र प्रदान गरेकी हुन्  ।

मानव बिचविखन विरूद्धको दिवसमा गत वर्ष घोषणा गरिएको सम्मानपत्र कोरोनाको कारण प्रदान गर्न सकिएको थिएन, यसैवर्ष गत वर्ष र यस वर्ष घोषणा गरिएको सो मन्त्रालयका मानव बेचविखन तथा ओसारपसार नियन्त्रण शाखाका प्रमुख मिना पौडेलले जानकारी दिएका छन ।
बाल दिवसको सन्दर्भमा विश्वास नेपाल अन्तरगत गठित आवाज बाल क्लव र एकता क्लवमा आवद्ध बालबालिकाबीच हाजिरी जवाफ, बालगीत, कविता र नृत्य प्रतियोगिताको आयोजना गरिएको थियो ।
बालबालिका स्वस्फुर्त रूपमा आयोजित प्रतियोगितामा उत्कृष्ट प्रस्तुती दिन सफल बालबालिकालाई पुरस्कृत पनि गरिएको थियो ।
रेष्टुरेण्टका श्रमिकको हक, हितका लागि कार्यरत सो संस्थाको सातौं अधिवेशन तथा १४ औं साधारणसभाले सर्वसम्मतीबाट नयाँ कार्यसमिति चयन गरेको छ ।
नयाँ कार्यसमितिको अध्यक्ष तारा भण्डारी, उपाध्यक्ष सवि शाह, सचिव बबिता थापामगर, कोषाध्यक्ष कान्छीमाया तामाङ, र सदस्यहरूमा सविना पन्थ, सुनिता तामाङ र रितु मगर चयन भएका छन  ।
सो अवसरमा संस्थाको सल्लाहकारहरू बेनुमाया गुरूङ, विमल भेटवाल, उमा तामाङ, देवीप्रसाद लगायत पाँच जनालाई  चयन गरिएको   तारा भण्डारीले जानकारी दिएकी छन ।