नेपाल तेक्वान्दो संघ ओखलढुंगामा नयाँ कार्यसमिति चयन

कपन अनलाइन

काठमाण्डौ ,साउन ३१।

नेपाल तेक्वान्दो संघ जिल्ला कार्यसमिति ओखलढुंगाको प्रथम जिल्ला अधिवेशनले नयाँ  कार्यसमिति चयन गरेको  । शनिबार भएको प्रथम जिल्ला अधिवेशले विश्वराज राईको अध्यक्षतामा पन्ध्र सदस्यिय कार्यसमिति चयन गरेको हो ।
अधिवेशनबाट उपाध्यक्षमा अशेष श्रेष्ठ, युवराज पहाडी, कोषाध्यक्ष प्रमिला श्रेष्ठ, सचिव शिवराम राई, सह-सचिव सागर राई चयन भएका छन भने सदस्यहरुमा  अनुत राई, प्रवेश राई, प्रदिप राई, देवराज दाहाल, फिन्जु शेर्पा, अन्जना सिल्वाल, विरवल तामाङ, दिपक राई र सतल तामाङ निर्विरोध निर्वाचित भएका छन् ।

नवनिर्वाचित अध्यक्ष राईले “स्वास्थ्यका लागी खेलकुद, राष्ट्रका लागी खेलकुद” भन्ने मूल नाराका साथ तेक्वान्दो खेलको विकास र विस्तारका लागी सम्भावनाहरु खोज्दै संघलाई अझ मजबुत बनाएर लाने बताएका छन ।

सम्पन्न अधिवेशनका प्रमुख अतिथि नेपाल तेक्वान्दो संघका केन्द्रिय सदस्य विजय न्यौपाने र विशेष अतिथी प्रदेश नं. १ महा-सचिव गोपाल वान्तावा राईले नवनिर्वाचित पदाधिकारीहरुलाई शुभकामना प्रदान गर्दै  केन्द्र र प्रदेश तहमा आएका कार्यक्रमहरुलाई जिल्ला तहमा ल्याउने प्रतिबद्धता जनाएका थिए ।