ओखलढुंगामा ठुलो परिमाणका चोरीको सामान सहित तिन जना पक्राउ

कपन अनलाइन

काठमाण्डौ ,साउन २०।

ओखलढुंगा  प्रहरीले ठुलो परिमाणका चोरीको सामान सहित तिन जनालाई पक्राउ गरी सार्वजनिक गरेको छ । गत साउन १० गते जिल्लाको सुनकोशी गाउँपालिका ७ का स्थानिय ब्यापारी बिरेन्द्र कटुवालको किराना पसलबाट ठुलो परिमाणका नगद सहित जिन्सी सामान चोरी गरेर फरार रहेका तिन जनालाई प्रहरीले पक्राउ गरी बुधबार सार्वजनिक गरेको हो ।

पक्राउ पर्नेमा सुनकोशी गाउँपालिका ७ का १९ वर्षिय नारायण भनिने सरगम बस्नेत, सोही गाउँपालिका वडा नम्बर ८ का २० वर्षिय सूर्यबहादुर कटवाल र सुनकोशी गाउँपालिका वडा नम्बर ७ का २१ बर्षिय आशिष कटवाल रहेका छन् । उनीहरुको साथबाट प्रहरीले ५ तोला सुन सहित नगद रु ८० हजार ८ सय ८० रुपैंया, भारतीय नोट तीन हजार १ सय ७० रुपैंया र विदेशी रु १ हजार दरको नोट समेत बरामद गरेको छ ।

त्यस्तै प्रहरीले नेपाल टेलिकमको रिचार्ज कार्ड एक सय दरको २ सय ८४ थान, नेपाल टेलिकमकै ५० दरको रिचार्ज कार्ड ९० थान र एनसेलको ५० दरको ३१ थान रिचार्ज कार्ड बरामद गरेको छ । यस बाहेक उनीहरुले चारी गरेका मोबाइल ४ थान सहित त्यसमा लाग्ने ५ थान सिमकार्ड समेत फेला पारेको छ ।फोटो सौजन्य :आफ्नो एफ एम १०४ ओखलढुंगा