नेकपा एमाले केन्द्रीय स्कुल विभागको सदस्यमा ओखलढुंगाका नेता बालकृष्ण ढुंगेल
कपन अनलाइन
काठमाण्डौ ,साउन १९।
नेकपा एमाले केन्द्रीय स्कुल विभागको सदस्यमा ओखलढुंगाका नेता बालकृष्ण ढुंगेल चयन भएका छन। साउन १८ गते बसेको नेकपा एमालेको स्थायी कमिटी बैठकले ढुंगेललाई स्कुल विभागको सदस्यमा मनोनयन गरेको हो।
नेकपा एमालेका अध्यक्ष केपी ओली प्रमुख रहेको स्कुल विभागमा मनोनित भएका ढुंगेल २०६४ शालको पहिलो संविधान सभा निर्वाचनमा ओखलढुंगा क्षेत्र नं २ बाट निर्वाचित भएका थिए।
सोलुखुम्बुको आलु संग झापाको चिया साट्ने गरी ओखलढुंगा जिल्लाको सडक पूर्वाधार र सामाजीक विकासको बहस शुरुवात गरेका नेता ढुंगेल जिल्लाका लोकप्रिय नेता हुन।
ओखलढुंगा जिल्लाको बामपन्थी आन्दोलनमा निरन्तर योगदान दिदै आएका ढुंगेलले राजनीतिक कारणले लामो समय जेल जीवन समेत बिताएका थिए।
नेकपा एमालेको सिदान्त ,नीति र कार्यक्रमलाई जनता र कार्यकर्ता विच पुर्याउनका लागि निकै शक्तिशाली र महत्वपूर्ण मानिने पार्टी स्कुल विभागमा ढुंगेल संगै राम बहादुर थापा बादल ,शंकर पोखरेल ,प्रदिप ज्ञवाली ,डा. बिन्दा पाण्डे ,लालबाबु यादव ,युवराज कार्की ,राधा ज्ञवाली ,राजेन्द्र रावल र ईश्वरी रिजाल सदस्य चयन भएका छन।
