सुदीप राज गौतम बिश्व र्याफ्टीङ्गको सदस्यमा चयन

कपन अनलाइन

काठमाण्डौ ,साउन १९।

नेपाल र्याफ्टीङ्ग तथा क्यानोईङ्ग संघका महासचिव सुदीप राज गौतम बिश्व  र्याफ्टीङ्ग महासंघको बोर्ड सदस्यमा चयन भएका छन् ।
बिश्व र्याफ्टीङ्ग महासंघको चुनावी साधारण सभाले चार बर्ष (२०२१ – २०२४) का लागि एशियन कन्टिनेन्टको कोटाबाट गौतमलाई महासंघको बोर्ड सदस्यमा चयन गरेको हो । महासंघको बोर्ड सदस्यमा चयन हुने गौतम पहिलो नेपाली हुन् ।
फ्रान्समा आयोजना भएको बिश्व  र्याफ्टीङ्ग च्याम्पियनसिपका दौरान भएको साधारण सभाले महासंघको अध्यक्षमा ईटालीका बारमाज डानिलोलाई दोश्रो कार्यकालको लागि पुनः अध्यक्षमा चयन गरेको थियो ।
नेपालमा र्याफ्टीङ्ग मै आफ्नो जीवन व्यतित गरेका गौतम र्याफ्टीङ्ग खेलको विकास र विस्तारमा अहोरात्र लाग्दै आई रहेका छन् । गौतम र्याफ्टीङ्ग  तथा क्यानोईङ्ग संघको संस्थापक सदस्य समेत हुन् ।