शंखरापुर नगरपालिकामा चार दर्जन भन्दा बढी नेपाली कांग्रेस छोडेर नेकपा एमालेमा प्रवेस
कपन अनलाइन
काठमाडौं, श्रावण १० ।
शंखरापुर नगरपालिकामा करिब चार दर्जन भन्दा बढीले नेपाली काङ्ग्रेस परित्याग गरि नेकपा एमाले प्रवेश गरेका छन। नगरपालिकाको माता इन्द्रायणी पार्टी प्यालेसमा भएको पार्टी प्रवेस कार्यक्रममा वडा-४ का चार दर्जन भन्दा बढी ब्यक्तिहरु नेकपा एमाले प्रवेस गरेका हुन । नेकपा एमाले शंखरापुर नगर कमिटीका अध्यक्ष राम कुमार तिवारीको अध्यक्षतामा भएको पार्टी प्रवेश कार्यक्रमको प्रमुख अतिथि बागमती प्रदेश कमिटी सदस्य बुद्ध भक्त चित्रकार रहेका थिए ।
नेकपा एमाले जिल्ला सचिवालय सदस्य तथा बागमती प्रदेस सभा सदस्य मणिराम फुयाल,नगर प्रमुख सुवर्ण श्रेष्ठ , जिल्ला सदस्य महेन्द्रलाल श्रेष्ठ, शोभा कार्की, क्षेत्रीय संयोजक सृजन शर्मा, लगायतको उपस्तिथि रहेको कार्यक्रममा वक्ताहरुले पार्टी प्रवेस गर्नेहरूलाई स्वागत गर्दै उचित जिम्मेवारी प्रदान गरिने बताएका थिए।
त्यस्तै नेकपा एमाले प्रवेस गर्दै वडा नं ४ की सरस्वती तामाङले देश समाज र गाउँको बिकासका लागी नेकपा एमालेमा प्रवेश गरेको बताउदै नेपाली काङ्रेसले सहि बिकास गर्न नसक्ने भन्दै आफ्नो क्षेत्रको बिकासका लागि एमाले रोजेको धारणा राखेकी थिइन ।
