ओखलढुंगा मानेभज्याङमा गाँजा फडानी
ओखलढुंगा प्रहरीले जिल्लाका बिभिन्न क्षेत्रमा लगाएको गाँजाखेती फडानी गरेको छ । बुधबार जिल्लाको मानेभज्याङ गाउँपालिकाको बिभिन्न वडामा लगाएको गाँजाखेती फडानी गरेको हो ।
जिल्ला प्रहरी कार्यलय ओखलढुंगाबाट खटेको प्रहरी टोलीले मानेभज्याङ गाउँपालिका वडा नम्बर ५ तथा वडा नम्बर ४ केत्तुकका बिभिन्न क्षेत्रमा लगाएको गाँजाखेती फडानी गरेको जिल्ला प्रहरी कार्यलय अोलखढुंगाका प्रमुख प्रहरी नायव उपरिक्षक गोबिन्दराज काफ्लेले जानकरी दिए ।
नेपालमा प्रतिबन्धित मानिएको गाँजा खेतीलाई स्थानिय लगाएको थाहा पाएपछि प्रहरी टोलीले करिब १ हजार बोटा गाँजा फडानी गरेर नष्ट गरको हो ।
स्थानियले प्रतिबन्धित गाँजाको खेती गर्ने गरेको पाईएपछि जिल्लाका अन्य बिभिन्न स्थानबाट पनि यसअघि प्रहरी गाँजाखेती फडानी गर्दै आएको छ ।फोटो सौजन्य :आफ्नो एफ एम ओखलढुंगा
तपाइँको प्रतिक्रिया ।
