एकै दिन नेकपा एमाले काठमाण्डौका १० निर्वाचन क्षेत्रमा बैठक, तिन महत्वपूर्ण निर्णय
कपन अनलाइन
काठमाण्डौ ,साउन २।
नेकपा एमाले काठमाण्डौ जिल्लाका १० निर्वाचन क्षेत्रमा साउन २ गते सनिवार एकै दिन क्षेत्रीय कमिटीको बैठक सम्पन्न भएका छन। असार ३० गते बसेको नेकपा एमाले काठमाण्डौ जिल्ला सचिवालय बैठकको निर्णय अनुसार सबै निर्वाचन क्षेत्रमा बैठक बसेका थिए।
क्षेत्र नं १ ( प्रदेस सभा सदस्य गणेश दुलालको सचिवालय ),क्षेत्र नं २ (क्षेत्रीय कार्यालय थली ) ,क्षेत्र नं ३ (ड्रिम हाउस इन्टरनेसनल ),क्षेत्र नं ४ (कपन ),क्षेत्र नं ५ (लर्ड पार्टी प्यालेस ),क्षेत्र नं ६( महेन्द्र सामुदायिक भवन),क्षेत्र नं ७ ( क्षेत्रीय कार्यालय ),क्षेत्र नं ८ ( हनुमान ढोका ),क्षेत्र नं ९ (गोल्ड स्टार बैन्केट ) र क्षेत्र नं १० मा भर्चुअल माध्यम बाट भएका बैठकले काठमाण्डौ जिल्लाका हरेक संगठित सदस्यहरु र जनहरुको विचमा पुग्ने योजनाहरुका वारेमा छलफल गरेका थिए।
नेकपा एमालेको केन्द्रिय र विभिन्न शाखा तथा पालिका कमिटीहरुको अधिवेशनको मिति तय भए संगै सदस्यता नविकरण,संगठन सुद्दिकरण र सुदृढीकरण जस्ता तिन महत्वपूर्ण निर्णय गरेका १० निर्वाचन क्षेत्रका बैठकमा क्षेत्रीय कमिटीका संयोजकहरुले अध्यक्षता गरेका थिए भने जिल्ला कमिटी सदस्यहरु,नगर कमिटी अध्यक्ष,शाखा कमिटी अध्यक्ष र जनप्रतिनिधिहरुको सहभागिता रहेको थियो।
आज भएको बैठकमा क्षेत्र नं १ को अध्यक्षता धन बहादुर अछामीले गरेका थिए भने प्रमुख अतिथि प्रदेस सभा सदस्य तथा जिल्ला सचिवालय सदस्य गणेश प्रसाद दुलाल रहेका थिए।
त्यस्तै क्षेत्र नं २ को अध्यक्षता सृजन शर्मा र प्रमुख आतिथ्यता रास्ट्रिय प्रतिनिधि परिषद सदस्य बुद्ध भक्त चित्रकारले गरेका थिए भने क्षेत्र नं ३ मा विश्व राम श्रेष्ठको अध्यक्षता र केन्द्रीय सदस्य तथा जिल्ला अध्यक्ष कृष्ण राईको प्रमुख आतिथ्यता रहेको थियो।
यसै गरि काठमाण्डौ क्षेत्र नं ४ को अध्यक्षता तेज ढकालले र प्रमुख आतिथ्यता केन्द्रीय सदस्य डा. राजन भट्टराईले गरेका थिए भने प्रदेस सभा सदस्य तथा जिल्ला सचिव दिपक निरौलाको अध्यक्षतामा भएको क्षेत्र नं ५ को बैठकमा महासचिव ईश्वर पोखरेल अध्यक्ष रहेका थिए भने प्रदेस सभा सदस्य तथा जिल्ला सह इन्चार्ज नारायण सिलवाल अतिथि रहेका थिए।
त्यस्तै विश्व नाथ लामिछानेको अध्यक्षतामा भएको काठमाण्डौ क्षेत्र नं ६ को बैठकमा जिल्ला कमिटी सदस्यहरुको उपस्थिति रहेको थियो भने विश्व राम सापकोटाको अध्यक्षतामा भएको क्षेत्र नं ७ को बैठकमा रास्ट्रिय प्रतिनिधि परिषद सदस्य किरण शर्मा प्रमुख अतिथि रहेका थिए।यसै गरि निमा घ्याम्चुको अध्यक्षतामा भएको काठमाण्डौ क्षेत्र नं ८ को बैठकमा प्रदेस सभा सदस्य तथा रास्ट्रिय प्रतिनिधि परिषद सदस्य राजेश शाक्य प्रमुख अतिथि रहेका थिए।
त्यस्तै क्षेत्र नं ९ को बैठक अवन्ति सिग्देलको अध्यक्षता र केन्द्रीय सदस्य तथा काठमाण्डौ इन्चार्ज कृष्ण गोपाल श्रेष्ठको प्रमुख आतिथ्यता र काठमाण्डौ महानगरपालिका प्रमुख विद्या सुन्दर शाक्यको उपस्थितिमा सम्पन्न भएको थियो भने क्षेत्र नं १० को बैठक हरि भक्त महर्जनको अध्यक्षतामा भर्चुअल माध्यम बाट भएको थियो।
